FIASCO DE PUEBLU ye yá; esta ye la cosecha que recoyimos pa tastiar la dulzura del frutu garráu recién del árbol, la sabiduría popular contada como si amaneciere nel intre, la tresmisión cultural mileniaria fecha conferencia, la moda que texe dende la emoción antigua y dende’l respetu anguañu, de la urxencia de caminar hacia l’ecofeminismu por bonu y por necesariu, de la memoria que nos retrata, la decadencia que nos cuspie, de la sensibilidá que nun nos sobra, de la belleza que buscamos, de la virtú que nos guía, de la ferramienta que nos alivia, del cantu que nos enllena, de la pallabra que nos noma, de la tradición que nos esculpe y de la flor que nos abre los pétalos.
Invitámosvos a espardevos, a escuchar, a semar, a baillar, a acompañar, a sumar, a llorar, a compartir, a esmucivos ente les cañes del programa que ficimos con ciñu y con respetu.
¡Bienveníes a FIASCO DE PUEBLU!
Mieres, del 8 al 13 ochobre
